LONEITUTE THIAN
Loneitu Hriat Tur Puanchhuahna
Loneitu Hriat Tur Puanchhuahna
Pesticides awmzia : Loneitu tam ber hi chuan pesticides tih leh insecticide tih hi an sawipawlh fova, thil thuhmun anga ngaih pawlh awl tak a ni. Amaherawh, a awmzia a hrang daih a, chuvangin ‘Pesticides’ hi a hming atang hian lo sawifiah ila. Pesticides chu saptawng thumal pahnih, pest leh cide-in a siam a ni. Pest tih chu thlai tichhetu chi hrang hrang, thlai thar hlawk loh rawk khawp chhiatna (economic damage) thlentute hi an ni a, cide tih erawh chu that emaw tihlum emaw tihna a ni. Tichuan, Pesticides chu thlai hmelma suat nan leh thah nana hman bawlhlo tihna a ni. A hmaa kan sawi tak thlai hmelma khan thlai a tihchhiata ven hial a lo ngaih khan pest an lo ni a, entirnan rannungin thlai a eichhiat chuan insect pest tihna a ni a, kha rannung control nana bawlhlo hman kha Insecticides chu a ni. Eg: Roger (Dimethoate), Malathion etc. Thlai khan Fungi vangin natna (disease) lo vei ta sela, a control nana hman bawlhlo kha Fungicides tih a ni thung. Eg: Dithane M-45. Chutiang chuan bacteria vanga thlai natna control nan chuan bactericides hman a ni a, sazu control nan chuan sazu tur hman a ni a, chung sazu tur chu Rodenticides an ti leh a, heng insecticides te, fungicides te, bactericides te, rodenticides etc. te hi a huhova sawi nan/koh nan Pesticides an ti a ni.
Tichuan pesticides chuan a hmaa kan sawi tak te bakah thlai than chak tirna bawlhlo “Plant growth regulator” te, thlai than tih thut nana hman “Plant growth inhibitor” te pawh a huam vek a ni. Amaherawh chu, fertilizer te, ran damdawi te leh micro-nutrients te hi pesticides chuan a huam lo a ni.
Pesticides chi hrang hrangte : Pesticides hi a hmanna tur a zirin chi hrang hrang a awm a, chungte chu hengte hi an ni :
(1) Insecticides : Rannung thahna hlo hi a ni. Eg : Endosulfan, Phosphamidon, Nuvan, Carbofuran etc.
(2) Bactericides : Bacteria vanga thlai natna lo awm venna leh enkawlna damdawi. Eg: Streptocycline, Aurefungi etc.
(3) Nematicides : Thlai rulhut (Plant nematodes) vanga natna lo awm venna leh enkawlna damdawi. Eg : Furadan 3G, Phorate 10G etc.
(4) Fungicides : Thlai natna, fungi vanga lo awm venna leh enkawlna damdawi eg : Dithane M-45, Sulfex, Captain, Thiram etc.
(5) Miticides : Thlai ei thin maimawm leh tuihrik lam chi, thilnung (mites)- ke pariat nei control-na bawlhlo. Eg: Sevin, Dicofol etc.
(6) Rodenticides : Sazu tur chi hrang hrang tee g : Zinc Phosphide, Roban etc.
(7) Mulluscicides : Thlai eichhetu piring leh kawngkawrawi control-na bawlhlo eg : Metaidehyde (Meta) insecticides thenkhat.
(8) Herbicides/Weedicides : Hnim tur/hnim thahnahlo. Eg: Glyphosate, 2,4-D
Heng bakah hian pesticides chi dang a la awm nual a, kan sawi lang vek rih lo a ni. India rama President (Registered Pesticides) hman mek chu Appendix – I ah en tur a awm.
Pesticides siam dan phung (Formulation) : Pesticides hi a bawlhlo pai a zirte a hmandan tur a zir tein chi hrang hrang an siam a, chu a siamdan phung chuan a hman dan tur a hril sa a, hman dawna tui pawlh chi leh chi loh te, a kahna nena kah chi a nih leh nih loh te a hril sa vek a, chu chu ‘Formulation’ an vuah a ni. Chutiang formulation chu insecticides bur pawnah a inziak vek a, hei hi hman hmain chhiar emaw enchian hmasak zet a pawimawh hle a ni. Entiman, Nuvacron 40EC tih chu kha insecticide kha a tui a ni a, tui nen a pawlh chi a ni tihna a ni. Tin, Furadan 3G tih chu he insecticide hi a mum a, antam chi ang tak, thildang nena pawlh lova hman tur tihna a ni. Sevin 50 WP tih chu insecticide hi a phut a ni a, tui nen a pawlh hnu a kah tur tihna a ni.
Pesticides reng reng hi a siamdan phungah chuan a tur hlang (active ingredient) ngawta hman turin an siam lova, a tur ni ve lo, rannung pawhin a huat ve si loh bawlhlo dang nena chawhlpawlh sa in an siam a ni. Hei hian hman a tiawlsam a, thlaihnah leh a kung thang tlat (Waxy) ah pawh a kai theih phah a, kah hnuah pawh ruah leh daiin a tleuh mai thei lova, tui nen a inpawlh theih phah bawk a, a dahthat rei theih phah bawk, a man a tlawm phah bawk a ni. Entirnan : Roger 30EC (dimethoate) awmzia chu he insecticides ah hian rannungin an thihpui theih tur hlang (active ingredient) chu 30 % chauh a awm a, a bur a awm vet ho 70% chu thildang, a pawlhsawptu (filler, solvent, emulsifier) a ni tihna a ni. Chuvangin formulation hi hriatchian a ngai em em a, loneituten thlai ven nana insecticides an kah dawnin anmahni duh zat zat tui an pawlh tur a ni lo, mithiamte thurawn zawm an tum hram hram tur a ni. Hei bakah hian insecticides hi hectare khat a zau atan a kah zat tur bithliah nan hian mahni rin tawk leh tlem lo ruahman ve ngawt hi a him lova, kah zat tur bithliah dan dik tak chu a tur hlang (active ingredient) tam lam a zir kha a ni tur a ni. Entirnan, Rogor 30EC chu buh hmun a rannung leh pangang suat nan lo hmang dawn ta ila, hectare khat bial a zauva kah tur zat bithliah nan chuan 0.25 kg per hectare khat a zauvah khan Rogor 30EC a, a tur hlang 30% kha 0.25 kg a tam rual tak a insem zai turin I kap dawn tihna a ni. Tupawlh zat tur pawh a dan dik takin ruahman vek a ni. Hei vang hian mithiamte rawn chung a insecticides hman hi pawimawh em em a ni.
Kan sawi tak ang khan Pesticides hi formulation chi hrang hrangah siam a ni a, chungte chu lo en thliah thliah ila :
1) Dust/Dusting Powder (DP) : Hei hi a phut a ni a, maida leh atta phut ang tak a ni a, a phut a nih ang ang hian hman nghal tur a ni. Tui nen a pawlh chi a ni lo. A kah nan pawh hmanraw hranpa a awm a, chu chu Plunger, Duster te, Rotary Duster te a ni. Zing dai hnawn laia kah chi a ni. Dusting powder hi Mizoramah chuan a lar lo hle. Eg : Malathion Dust.
2) Wettable Powder (WP)/Water Dispersible powder (WDP) : Hei hi a phut a ni a, tui nen a chawhpawlh hnu a kah tur a ni. A kahna pawh Sprayer engpawh a hman theih. Eg : Dithane M-45, Sulfex, Malathion etc.
3) Emulsifiable Concentrate (EC)/Water Soluble Concentrate (WSC) : Hei hi a tui (liquid) a ni a, tui nen a chawhpawlh hnu a kah tur a ni. Eg : Nuvan, Dimecron, Rogor etc.
4) Granules (G) : Hei hi Antam chi ang tak, mum hilhel a ni a, encapsulated granule an ti bawk thin. Granule-ah reng reng chuan a tur pai kha a tam/sang ngai lova, hemi awmzia chu a tur hi a chak thung a ni tihna a ni. Chuvangin tui nena pawlh chi a ni lo. Kut tuam chunga vawm darh chi a ni. Hnawng nena a inhnek atanga darkar chanve chhung hian a tur kha a lo chhuak thin a ni. Eg : Furadan 3G, Thimet 10G etc.
5) Tablet : Hei hi damdawi, paracetamol mum ang chi a siam a ni a, a lar ber chu Alluminium Phosphide (Celphos) hi a ni. Thildang nen pawlh lova hman tur a ni.
Heng kan sawi takte bakah hian formulations chi dang a la awm nual a, Mizoramah kan hman lar loh avangin sawi vek tul lovah ngai ila a tha awm e.
Pesticides hlauhawm lam chhinchhiahna : Pesticides chi hrang hrang hi a hlauhawm dan a inang lova, a hlauhawm lam chhinchhiah nan a bur pawn lamah rawng hman bik (Colour code) an tarlang ziah thin a ni. A bur pawn lamah hian lehkhachaih ang tak Triangle pahnih inzawm a awm a, a chanve chung lamah te reuh te in ‘Poison’ tih a inziak a, a hnuai lamah hian a rawng chu kilthum neiah a intat a, a rawng chu a sen a nih chuan a hlauhawm ber chi tihna a ni a, a eng a nih chuan a hlauhawm ber dawttu a ni a, a pawl a nih chuan a hlauhawm nep deuh tihna a ni, a hring a nih chuan a hlauhawm lo ber tihna a ni.
Insecticides then dan chi hrang hrangte : Pesticides chi hrang hrang a awm na a, loneituten an hman tam ber rannung thahna hlo (Insecticides) then dan hi kan thlur bing rih dawn a ni. Insecticides hi rannung taksa a a luhdan leh a thawh dan a zirin hetiang hian an then hrang a :
(1) Stomach poison leh contact poison : Hetiang chi Insecticide chu thlai a kan kah hnu khan thlai hnah leh a kung a awm chhung khan a tur chakna hloh lovin engemaw chhung a awm reng a, chutiang Insecticides a kah thlai chu Pangangin emaw Khauvin emaw a lo ei chuan a kawchhungah a thawk thin a ni. A nih loh pawhin Insecticide a kah thlai a rannung a lo vah khan a taksaah Insecticides kha a lo kai a, a thawkna dawt te tak te te (spiracle) te a lo hnawh ping a, rannungin a thih phah thin a ni. Eg : Malathion, Nuvan, Sevin etc.
(2) Systemic poison : Hetiang chi Insecticides chu thlaia kah hnu khan thlai peng hrang hrang, a zikah te, a hnahah te leh a kung leh kauvah te a tur chakna hloh lovin ni engemaw chhung chu a lo awmin a lo insemdarh a, chutiang insecticides a kah thlai chu rannungin a lo ei chuan a thih phah dawn a ni. Hetiang chi insecticides hi a bik takin thlai tuihnang dawt chi Thlangdar chi hrang hrang control nan a tha a ni. Eg : Rogor Dimecron, Nuvacron etc.
(3) Fumigants : Fumigant chu insecticide nit ho si, hman hnu lawk a boruak rimchhia, rannung thihpui theih tur tichhuak thei a ni. A tawi zawnga sawi dawn chuan a kaw urna a ni deuh ber. Hetiang chi hi chu tunhma chuan sazu kaw ur nan (Sazu ur hlum nan) an hmang thin a, tunah erawh chuan Kudam lian pui pui ah mithiam bik te kaihhruaina hnuaiah lo chuan hman phal a ni tawh lo. Fumigant hi buhfai hrik te (Kudam lian a dah laiin) tihhlum nan an hmang thin a ni. Eg : Alluminium phosphide etc.
(4) Antifeedants, Repellants leh Attractants : Antifeedant chu thlai kha rannungin a ei duhloh nan a bawlhlo hman kha a ni. Antifeedant chuan rannung a tihlum thei hranpa lova, amaherawhchu, rannungin thlai an eiduhloh nan a lo tih kha emaw a lo ti tuilo emaw thin a ni. Antifeedant lar tak pakhat chu Neem tui hi a ni. Eg : Multineem, Econeem, Achook etc.
Source : C. Lalnithanga ,A.P.P.O.
J.Rothanga, SO-cum-SA
James Lalsiamliana,D.A.O.Champhai
Thlai Ven Dan
Directorte of Agriculture(CH), Aizawl, Mizoram-2009
Page No : 9 - 26
2nd Edition-2010
Repellant chu rannung hnawt kiang thei bawl hlo tihna a ni. Eg : Kawpur Naphthalinball, Cironellatui etc.
Attractants chu rannung thenkhat hipkhawm nan leh kohkhawm nana hman bawlhlo tihna a ni. Tunlaia attractant lar ber pakhat chu lungphur thlahtu (moths) koh nan a an hman ‘Semiochemicals’ hi a ni. Hetiang chi ‘Lure’ an vuah bawk. Lo leh thlai hmunah eng ang chi rannung nge awm tih zir nan te, rannung nge awm tih zir nan te, rannung man khawmna hmanrua atan an hmang thin. Lure chu rannung nu leh pa, hmun hranga awm inkoh nana an hman thin, boruak a thil rim cham thei leh anmahni chauhvin an hriata an inpanna hmanrua ‘Pheromone’ ang tak, mithiam ten an siam chop a ni a, thlai venna hmanrua, man tlawm tak leh hman awlsam si a ni.
Rannung thahna hlo (Insecticides) hi a siam dan phung a zirin hetiang hian an then hrang ve leh a:
(1) Plant Origin : Thlai hnah tui sawrte, a mu densawm, tui nena pawlh te, rannung laka thlai ven nana hman te hi hei hian a huam a ni. Eg: Neem atanga siam insecticides, vaihlo tui, tuibur al etc.
Tunhma chuan pangpar chi khat Chrysanthemum atang hian insecticide an thlawr chhuak a, chu chu Pyrethrum (Allethrin) an vuah a, mahse tunah chuan hei hi an hmang lar ta lo a ni.
(2) Synthetic Pyrethroids : Insecticide tangkai tak a ni a, an hmang lar hlawm hle, chi hrang pali chauh a awm, chungte chu :
a. Permethrin (Hillthrin, Permasect, Ambush)
b. Cypermethrin (Ripcord, Cymbush, Cyperkill)
c. Deltamethrin (Decis)
d. Fenvalerate (Sumicidin, Fenval)
Mizoram a lar tak, Insect Killer, China siam pawh hi heng zinga pakhat, Cypermethrin atanga siam a ni.
(3) Chlorinated Hydrocarbons : Hetiang chi insecticides hi tunhma chuan a lar hle a, amaherawhchu, mihring tan a hlauhawm lehzual em avangin thlai kah nan chuan hman an khap deuh vek tawh a ni. A lar zual deuh deuh te chu DOT, BHG, Aldrin, Heptachlor etc. Hengho zinga tun thleng a hman an la phal chu Endosulphan (Thiodan) hi a ni.
Fungicides chi hrang hrangte : Fungicides hi a bawlhlo pai a zirin hlawm thumah then a ni a, chung te chu Copper fungicides, Sulphur fungicides leh Mercurial fungicides te a ni. Fungicides hi hman hnu a a thawhdan a zirin (mode of action) hetiang hian then theih a ni bawk.
(1) Protectant chemicals : Thlai chi a natna hrik a kai lohna tur a thlai chi sawngbawlna ‘Seed treating fungicides’ ho hi Protectant chemicals chu a ni. Seed treating fungicides hi a tam ber chu contact chemicals emaw residual chemicals emaw a ni deuh ber.
(2) Eradicant chemicals : Hetiang chi fungicides chu thlaiin natna a vei hnu a hman chi a ni a, natna hrik pawh tihlum thei a ngaih a ni.
(3) Therapeutants : Hengho hi thlaiin natna a kai hnu a hman chi tho, nimahsela thlai a kah hnu a thlai system-a lut a insemdarh a, a tur hloh lova ni engemaw chen awm thinho ‘Systemic fungicides’ hi a ni.
Fungicides lar zual deuh deuhte chu hengte hi a ni.
1. PROTECTANT FUNGICIDES :
| Sl NO. | Common Name | Trade Name | Target Diseases | |
|---|---|---|---|---|
| A. COPPER COMPOUNDS : | ||||
| (i) | Bordeaux mixture (CopperSulphate-1kg Calcium carbonate-1kg Water-100 lits) | grape downy mildew,early and late blight of potato, tikka of groundnut, mango anthracnose, leaf spot of bhendi, turmeric, citurs cankar, as soil drenching against damping of vegetables. |
||
| (ii) | Bordeux paste (Copper sulphate-1 kg. Calcium carbonate-1 kg. Water-10 lits.) | citrus gummosis, coconut stem bleeding, tree wound. | ||
| (iii) | Copper oxichloride | Biltox 50 Cupramar 50 Fytolan 88 Blue copper 50 Fycop 56 | downy mildew of grapes, cucurbits, groundnut tikka, early and late blight of potato, fron eye spot of tobacco, black spot of roses. | |
| (iv) | Cheshnut compound Copper sulphate-2 parts Ammonia carbonate-11 parts | damping off of vegetables in nursery beds against soil fungi | ||
| (v) | Chaubatia paste Copper carbonate-800g. Red leaf-800g .Linseed oil-1 lit. | wound dressing against stem brown stem black, pink diseases in apple | ||
| (vi) | Cuprous oxide | Fungimar 50 Perenox 50 Copper Sandoz 50 | same as copper oxichloride | |
| B. SULPHUR COMPOUNDS | ||||
| (i) | Wettable sulphur 80 WP | Thiovit, Microsul Cosan, Hexasul | powdery mildew of grapes peas, roses, bean rust, grain smut of bajra, as miticide | |
| (ii) | Thiram 75 WP | Thiride, Hexathir | damping off of vegetables and tobacco, seedlings diseases in cotton, okra, crucifiers, sorghum, grain sumt, as seed treating chemical. | |
| (ii) | Zineb 75 | Dithane Z78 Lonacol Hexathane | anthracnose of cucumber, chilli, beans, maize, leafblight, wheat rusts, early and late blight of both tomato and potato, fruit rot of guava, turmeric leaf spot | |
| (iii) | Mancozeb 75 WP | Dithane M45 | black rust of wheat, anthracnose of beans, cucurbits, downy mildew of sorghum, maize blight potato and tomato blight, rose black spot, as seed treatment in potato. | |
| (iv) | Ziram 80WP | Zerlate, Cuman L, Ziride, Hexazir | cucurbits anthracnose, potato and tomato blights, ragiblast, ergot of sorghum and bajra | |
| D. ORGANO MERCURIALS : | ||||
| (i) | Methoxy mercuric chloride (MEMC) 3% and 6% | Cere wet, Tafasan, Aretan, Agallol, Hexana | This compound is now-a-days recommended only for sugarcane seed treatment, rhizome rot of turmeric and ginger. | |
| (ii) | Phenyl mercuric acetate (PAM) 1% | Tillex, Ceresan dry | -do- | |
| E. HETEROCYCLIC NITROGENOUS COMPOUNDS : | ||||
| (i) | Captan 75 WP | Captan, Orthocide Hexacap | for seed treatment, damping off of vegetables, seed borne disease of sorghum, anthracnose in mango cucurbis, soil drenching for damping off and root rots. | |
| (ii) | Captafol 80 WP | Foltaf | as seed treatment for seed borne diseases. | |
| Sl NO. | Common Name | Trade Name | Target Diseases |
|---|---|---|---|
| F. ORGANIC PHOSPHORUS COMPOUNDS : | |||
| (i) | Edifenphos 50EC | Hinosan, H-Phos | rice blast |
| G. MISCELLANEOUS : | |||
| (i) | Dinocap 48EC | Karathane | good miticide, excellent substitute for sulphur where sulphur is found toxic powdery mildew grapes, cucurbis, tobacco, rose. |
| 2. SYSTEMATIC FUNGICIDES | |||
| A. OXATHINS : | |||
| (i) | Carboxin 75 WP | Vitavax | loose smut of wheat and barley, long smut of bajra, bacterial leaf streak of rice. |
| (ii) | Oxycarboxin 75 WP | Plantvax | wheat rust, bean rust and safflower rust. |
| B. BENZIMIDAZOLES : | |||
| (i) | Carbendazim 50 WP | Bavistin, Derosal, Bestin, Jeykestin | rice blast, sheath blight and sheath rot, groundnut tikka, powdery mildew of okra, peas, cucurbits, chillies, grape anthracnose, apple scab, storage rots of apple, citrus. |
| C. THIOPHANATES | |||
| (i) | Methyl thiophanate 75 EC | Topsin M | powdery mildew, storage rots. |
| D. MORPHOLINES : | |||
| (i) | Tridemorph 75 EC | Calaxin | groundnit rust, powdery mildew of pulses, vegetables, rust of beans, peas, coffee rust, blister blight of tea, sigatoka in banana. |
| E. ORGANOPHOSPHORUS : | |||
| (i) | IBP - 48 EC | Kitazin | rice blast and sheath blight. |
| F. ACYLALANINES : | |||
| (i) | Triadimefon 25 WP | Balyton | wide spectrum, powdery mildew of field and fruit crops, rusts of wheat and coffee. |
| G. ALKYL PHOSPHONATES : | |||
| (i) | Fosetyl- A1 80 WP | Aliette | stimulates defence mechanism in plants, downy mildews. |
| 3. ANTIBIOTICS (BACTERICIDES) : | |||
| (i) | Aureofungin | citrus gommosis, doplodia rot in mango, alternaria of tomato, ragi blast, powdery mildew of apple, brown spot of paddy. | |
| (ii) | Streptocycline | Streptomycin, Agrimycin-100 | many bacterial diseases such as black arm of cotton, leaf, streak of rice, black rot of crucifiers, bacterial spot of tomato and chillies |
Nematicides : Nematicides hi a siam dan a zir leh a hmanna tur a zirin hlawm hnihah then a ni. Chungte chu :
A. Volatile nematicides/ Soil fumigants : Hei hi lei a hmanrua bik hmanga kahluh chi a ni a, rei lo te chhungin a hu khan lei a fan nghal thei a, lei a nematodes awm suat nana hman a ni ber. Amaherawhchu, boruak anga a hu hi hip palh a hlauhawm avangin fimkhur taka hman a ngai a ni. Tunlai chuan hetiang chi hi an hmang uar tawh vak lo a ni. Hetiang hi thenkhat chu a hnuai a mite hi a ni.
| Sl No. | ||
|---|---|---|
| Ethylene di bromide (EDM) | Docofume W-85 | |
| Dibromochloropropane (DBCP) | Fumazone, Nemagon, Nemapaz | |
| Dichloropropane- dichloropropene (D-D Mixture) | DD, Vidden – D | |
| Methyl bromide with chloropicrin (MBr) | Dowfume MC – 2. |
B. Non-volatile nematicides : Heng ho hi chu a hmaa mi ang hi a ni lova, insecticides hman ang mai hian a then chu kah (spray) chi a ni a, a then chu lawnga thehdarh mai chi te a ni.
| Sl .NO. | ||
|---|---|---|
| ORGANOPHOSPHORUS: | ||
| Fensulfothion, EC, WP, G (10%) | Dasanit | |
| Thionazime, EC (25-46%), G(5,10%) | Nemaphos | |
| Phenamphos, EC (40%), G (5,10%) | Nemacur | |
| Diazinon, G(10%) | Diazitol, Meocidol | |
| Phorate, G (10%) | Thimet | |
| CARBAMATES: | ||
| Aldacarb, G(10%) | Temik | |
| Carbofuran, G (2,3,10%) | Furadan | |
| Oxamyl | Vydate | |
Hnim tur chi hrang hrangte : Hnim tur hi chi hrang tam tak a awm a, a lar zual deuhte hi an ni.
| Sl. No. | ||||
|---|---|---|---|---|
| 1 | Alachlor-50 EC 10G | Lasso, TokE-25 | Pre/Post emergence pre-planting | maize, cotton, brassica, rape seed, groundnut, raddish, soyabean, sugarcane, orchard, onion. |
| 2 | Anilophos, 50 EC | Aniloguard Arozin, Libra | Pre-emergence (6-10 DAT) | Rice |
| 3 | Atrazine, 50 WP | Atrataf, Solaro,Balaro, Sugarazine Gesaprim | Pre/Post emergence | maize, roses, bajra, sorghum banana, potato, grape. |
| 4 | Ametryn, 50 WP | Evix, Gesapax | Pre & Post | tea, oil palm, banana, citrus, coffee, sugarcane |
| 5 | Butachlor, 50 EC, 5, 10G | Machete, Delchlor Punch, Thunder, Hiltachlor, Milchlor | Pre | Rice, barley, onion, chillies, groundnut, brassica, vegetables |
| 6 | Buthidazole 75 WP | Ravage | Post | wheat |
| 7 | Basagram | Bentazon | Post | rice, groundnut, maize, peas |
| 8 | Cyanazine | Bladex | Pre/Post | maize, sorghum, sugarcane. |
| 9 | Chlorotoluron 80WP | Tolurex | Pre/Post | wheat |
| 10 | Diclofop-methy! 36EC | Illoxan, Hoe | Pre/Post | groungnut, peas, barley, lucern |
| 11 | Diuron, 80 WP | Hexuron, Karmex Agromex, Diuron | Pre/post | citrus, cotton, apple, banana sugarcane, grapes, orchards. |
| 12 | Dicamba +2,4-D,45EC | Banvel, Marvel-720 | Pre/Post | cereal, maize, sugarcane. |
| 13 | Dalapon, 80 WP | Hexapon, Dawpon Tapapon | Post | Post emergence application with shield in tea, coffee, sugarcane, potato, orchards. |
| 14 | Fluchloralin 45EC | Basalin | Presowing, PPI | cotton, potato, rice, sunflower, soyabean, chillies, groundnut. |
| 15 | Fuchloridone EC | Racer | Pre | groundnut, soyabean, sunflower. |
| 16 | Glyphosate, 41 SL | Glycel | Post | non selective, tea, coffee rubber, cardamon, pineapple, mango,citrus, grape, cereals, soyabean, sugarcane, groundnut. |
| 17 | Oxyfourfen, 25EC | Goal | Pre/Post | soyabean, peas, potato, onion, grape, cauliflower, orchard, rice |
| 18 | Oxadiazon, 25EC | Ronstar | ||
| 19 | Metribuzine, 70WP | Sencor | ||
| 20 | Pronamide, WP | Kerb | Pre/Post | oilseeds and pulses |
| 21 | Relof, 50 EC | Pritlachlor | Pre | rice |
| 22 | Simazine; 50 WP | Tafazine, Hexazine | Pre | maize, sugarcane, tea, banana, sorghum, coffee, peach. |
| 23 | Terbutryn, 50WP | Igran | Pre | sorghum |
| 24 | Thibencard, 50EC | Saturn | Pre (4-8 DAT) | rice, maize, tea, coffee, wheat, paddy, maize, tea, coffee, wheat |
| 25 | 2,4-D Sodium salt 80WP | Tafacide Fenoxan | Post | |
| 26 | 2,4-D Amine salt 58WP,72WSC | Weedon | Pre/Post | wheat, maize, tea, sugarcane |
DAT
Pre
Post
PPI
=
=
=
=
Days after transplanting
Pre emergence application
Post emergence application
Pre Plant incorporation
Sazu tur chi hrang hrang te : Sazu tur (Rodenticides) hi chi hrang hrang a awm ve a, amaherawhchu a tam zawk chu hman phal a ni leh tawh lova, tun thlenga hman lar zual thenkhat te chu hengte hi a ni:
i. Zinc Phosphide
ii. Bromadiolone
iii. Racumin
iv. Alluminium Phosphide
:
:
:
:
powder
ready-to-use cake (Roban/Mooshmoosh), powder.
Tracking powder and ready-to use loose bait,
umigant
Pesticides pawimawhna : Buh leh bal, thlai chi hrang hrang hi rannung te, thlai natna hrik te, sazu leh sava te leh hnim chi hrang hrang ten an bawmin an tichhia a, hei vang hian buh leh bal thar tam a har hle thin a ni. Heng buh leh thlai chi hrang ven nan hian Pesticides chi hrang hrang hi hman a ni. Kawng leh lamah chuan heng thlai ven nana hman Pesticides chi hrang hrang hi rannung leh thlai natna ten an hua ang tho hian mihring leh ran ten an haw ve thova, hei vang hian fimkhur taka hman a ngai a ni. Hman hnu a thlai rah leh a hnahte Pesticides bangnawi (residues) chambang awm pawh hi mihring tana hlauhawm thei a ni. Buh leh bal thar tam phah nan kan hmang ni a kan inhriat lai hian keimahni leh keimahni tur kan inbarh a ang hle a ni. Hei vang hian Pesticides hi mithiam te thurawn zawm chunga fimkhur taka hman a ngai a ni.
Amaherawhchu, Pesticides hi a hlauhawm tih avang ngawtin thlai ven nan hian kan bansan thak tur tihna a ni si lo. Ramngaw lo chereu zel te, buh leh thlai hmun lo zau zel te, mihring pung zel te mamawh, buh leh thlai tharchhuah a ngaih zel avang hian thlai hmelma chi hrang hrang laka thlai ven hi a tul zel dawn a ni. Pesticides hman kan bansan theih si loh avang hian hman fimkhur erawh a ngai em em a ni. Chuvangin, heng a hnuaia kan tarlan te hi loneituten zawm tum ila a tha ang :
Thlai hmun zim te ah chuan kut lawng ngawt pawhin zing leh tlaiah rannung vai ila, a hmeh hlum teuh theih a ni. Man sa pawh a rahhlum theih. Man ngam loh pawhin tiang nen rannung hi an thah theih a ni.
Hnim thlawhfai hi thlai tan a that bakah rannung in tawmkuk an neih loh phah a ni.
Buhl eh thlai rannungin a beihin emaw, natnain a tlakbuak a, loh theih lova Pesticides hman a ngaih hunah chauh Pesticides hman a ngaih hunah chauh Pesticides hi hman tur a ni.
Chutianga Pesticides I lo hmang ta a nih pawhin I kah ni atanga chhiara ni 7-10 chhungchu I thlai chu eiturin emaw, zawrh turin emaw la in, lo hlek suh. Hemi chhung hian ipesticides kah kha mihring tan a hlauhawm lo turin a lo da (degrade) hman dawn a ni.
Integrated Pest Management (IPM) hi hman uar deuh deuh tum tur a ni. Buh leh thlai hmuna rannung awm leh awm loh te, natna an veil eh vei loh te thlithlai fo tur a ni. Pesticides hmang lovin a theih chen chen kal phawt tur a ni. Pesticides hi mihring leh ran tan a hlauhawm ve tho avangin a pawng a takin hman loh tur a ni.